काठमाडौं – जय नेपाल कप २०२६ क्रिकेट प्रतियोगिताको शुक्रवार भएको खेलमा लखनउ विश्वविद्यालय र ढाका विश्व विद्यालय विजयी भएका छन् ।

लखनउले काठमाडौं विश्व विद्यालयलाई ७३ रनले हरायो । लखनउले दिएको १६१ रनको लक्ष्य पछ्याएको काठमाडौँ निर्धारित २० ओभरको खेलमा ८ विकेटको क्षतिमा ८७ रनमा सीमित भएको हो ।

काठमाडौंका सागर केसीले सर्वाधिक २० तथा प्रदीपकुमार यादवले १७ रन जोडे । लखनउले ३ विकेटको क्षतिमा १६० रन जोडेको थियो । लखनउका मनन कन्डपालले सर्वाधिक ७५ रनको योगदान गरेका थिए । ४९ बलको सामना गरेका उनले ५ चौका र ४ छक्का प्रहार गरेका थिए । हर्ष बर्धन सिंहले २८ रन जोडे ।

अर्को खेलमा ढाकाले पूर्वाञ्चललाई १५२ रनले हराएको हो । ढाकाले दिएको २३६ रनको लक्ष्य पछ्याएको पूर्वाञ्चल ३ बल बाँकी रहँदा ८३ रनमा सीमित भएको हो । पूर्वाञ्चलका ओम चौधरीले सर्वाधिक १५ रन जोडे ।

यसअघि पहिले ब्याटिङ गरेको ढाकाले ४ विकेटको क्षतिमा २३५ रन जोडेको हो । ढाकाका मोहम्मद आसिकुर रहमानले सर्वाधिक ९६ रन जोडे यसैगरी सिफद सादिक खानले ५० रनको पारी खेले ।