काठमाडौं – नायक विजय बरालको दम्पतीलाई दोस्रो सन्तानको रुपमा पुत्री लाभ भएको छ ।

श्रीमति पर्मिला कार्कीले सोमबार छोरीलाई जन्म दिएको विजयले सामाजिक सञ्जालबाट जानकारी दिएका छन् ।

उनले लेखेका छन्, ‘परिवारको सदस्यको रुपमा लक्ष्मीको आगमन भएको सुखद जानकारी गराउन चाहेँ ।’

छोरी जन्मिएपछि विजयले उपचारमा संलग्न मोर्डन अस्पातलका डाक्टर अरुणा कार्की र उनको टिमलाई धन्यवाद दिएका छन् ।

विजयकी श्रीमति पनि कलाकार हुन् । यसअघि नै उनीहरु एक छोराको अभिभावक थिए ।

विजयले नेपाली फिल्म इतिहासाकै सबैभन्दा बढी व्यापार गर्ने ‘पूर्णबहादुरको सारङ्गी’को नायक हुन् । उनको अभिनय रहेको फिल्म ‘वरिष्ठ बलराम’ कात्तिक ६ मा प्रदर्शनमा आउँदैछ ।