काठमाडौं – प्रहरी प्रभाग इमाडोल तोडफोड र आगजनी गर्ने पाँच जनालाई नियन्त्रणमा लिएको छ। भदौ २४ गतेको असामान्य परिस्थितिको फाइदा उठाएर लुटपाट गर्ने पाँच जनालाई पक्राउ गरेको हो।

प्रहरी कर्मचारीको पोशाक एवं व्यक्तिगत धनमाल समेतमा क्षति पार्नुको साथै प्रहरी पोशाक एवं गरगहनासमेत चोरी गर्नेलाई प्रहरीले पक्राउ गरेको हो। पक्राउ परेका सबैलाई आपराधिक उपद्रव, चोरी तथा संगठित अपराध मुद्दामा जिल्ला प्रहरी परिसर ललितपुरबाट थप अनुसन्धान भइरहेको प्रहरीले जनाएको छ।

प्रहरीले काभ्रे घर भएर ललितपुर महालक्ष्मी ८ लुभुका २० वर्षीय कुमार तामाङ, धनकुटा पाख्रिबास घर भएर लुभु बस्ने २२ वर्षीय गोकर्ण राई, रामेछाप घर भएर लुभु बस्ने २० वर्षीय कृष्णराज गिरी, उदयपुर घर भएर इमाडोल बस्ने ३१ वर्षीय सुनिलकुमार बस्नेत, सोलुखुम्बु घर भएर लुभु बस्ने २२ वर्षीय सरोज नेपाली र सिन्धुली घर भएर इमाडोल बस्ने २१ वर्षीय नरेश तामाङलाई पक्राउ गरेर प्रहरीले अनुसन्धान अगाडि बढाएको हो।

प्रहरीले बुट १ जोर, तिलहरी एक थान, झुम्का एक जोर र मंगलसुत्र एक थानसमेत बरामद गरेको छ।