काठमाडौं– नेपाल मेडिकल काउन्सिलको रिक्त सदस्य पदमा दुई जना चिकित्सकलाई नियुक्त गरिएको छ । 

स्वास्थ्य तथा जनसंख्यामन्त्री डा. सुधा गौतम शर्माले बिहीबार मन्त्रिस्तरीय निर्णय गर्दै काउन्सिलको सदस्यमा डा. प्रकाश बुढाथोकी र  डा. इन्द्रकुमार झालाई सदस्य पदमा नियुक्त गरेकी हुन् ।

डा. बुढाथोकीलाई डेन्टल समूहबाट र डा झालाई मेडिकल समूहबाट नियुक्त गरिएको मन्त्रालयले जनाएको छ। डा. झा हाल वीर अस्पतालमा कार्यरत छन् भने डा. बुढाथोकी मन्त्रालय अन्तर्गत  स्वास्थ्य आपत्‌कालीन तथा विपद् व्यवस्थापन एकाइ प्रमुखका साथै मन्त्रालयको प्रवक्ताको जिम्मेवारीमा रहेका छन् ।

काउन्सिलमा तीन जना सदस्य मन्त्रिस्तरीय निर्णयबाट नियुक्त गर्ने व्यवस्था छ । काउन्सिलमा सरकारले अझ एक जना सदस्य नियुक्त गर्न बाँकी रहेको छ ।