काठमाडौं ब्राजिलको बेलेममा संयुक्त राष्ट्रसङ्घको जलवायु सम्मेलन कोप–३० चलिरहेका बेला आगलागी भएको छ ।
आगलागीपछि आयोजनास्थल खाली गराएर करिब छ मिनेटमै आगो नियन्त्रणमा लिइएको कार्यक्रम आयोजकले बताएका छन् ।
अन्तराष्ट्रिय मिडियाका अनुसार उक्त आगजनीमा मानवीय क्षति नभएको, तर धुवाँका कारण सास फेर्न गाह्रो भएपछि २१ जनाको स्वास्थ्य परीक्षण गरिएको छ।
आगो कसरी लाग्यो अहिलेसम्म पत्ता लाग्न सकेको छैन। जलवायु परिवर्तनका चुनौतीहरू सामना गर्ने आगामी कदमबारे सहमति बनाउन चलिरहेको अन्तिम चरणको वार्ता आगलागीका कारण रोकिएको छ।
तर संयुक्त राष्ट्रसंघले जारी गरेको विज्ञप्तिमा शुक्रबारदेखि वार्ता पुनः सुरु हुने उल्लेख छ।
प्रतिक्रिया