काठमाडौं – नेकपा (माओवादी केन्द्र)को पदाधिकारी बैठक आइतबार बस्दैछ । जेनजी आन्दोलन र पछिल्लो राजनीतिक घटनाक्रमको विषयमा छलफल गर्न माओवादीले पदाधिकारी बैठक बोलाइको हो । अध्यक्ष पुष्पकमल दाहाल ‘प्रचण्ड’को निजी सचिवालयका अनुसार बैठक दिउँसो १ बजे केन्द्रीय कार्यालयमा बस्नेछ ।

जेनजी आन्दोलनसँगै माओवादीमा नेतृत्व परिवर्तनको माग चर्किएको छ । माओवादी उपमहासचिव जनार्दन शर्माले नेतृत्व परिवर्तनको आवाज चर्को रुपमा उठाए पनि प्रचण्डले भने नेतृत्व छोड्ने कुनै तयारी गरेका छैनन् ।

नेपाली कांग्रेस र नेकपा (एमाले)मा जस्तै माओवादीमा पनि नेतृत्व परिवर्तनको आवाज उठेको हो । जेनजी अगुवाले पुराना नेताप्रति चर्को आक्रोश व्यक्त गरेका छन् । तर पुराना नेताले कुनै पनि पार्टी नेतृत्व छोड्ने आशय व्यक्त गरेका छैनन् ।