काठमाडौं– पूर्वराष्ट्रपति विद्यादेवी भण्डारीको सम्पर्क कार्यालय उद्घाटन कार्यक्रममा ढिलो गरी एमाले उपाध्यक्ष सुरेन्द्र पाण्डे पनि आइपुगेका छन् एमालेका स्थायी कमिटी सदस्य कर्णबहादुर थापा र नेता विनोद पनि पुगेका छन् ।

थापा गाउँमा भइरहेको कार्यालय उद्घाटनमा एमाले वरिष्ठ उपाध्यक्ष ईश्वर पोखरेल र उपाध्यक्ष युवराज ज्ञवाली पनि सहभागी छन् 

कार्यक्रममा केही समयअघि भएको एमालेका भ्रातृसंगठनको महाधिवेशनबाट बाहिरिएका अधिकांश नेता सहभागी छन् । युवासंघका पूर्वनेता सुमन तिम्सिना, अनेरास्ववियुका पूर्वनेता प्रकाश पौडेल, प्रेस चौतारीका राजेश राई पनि सहभागी छन् ।

कार्यक्रममा अमेरिकाका लागि पूर्वराजदूत डा. अर्जुन कार्की पनि छन्।  सयौँ कार्यकर्ता सहभागी कार्यक्रममा पूर्वराष्ट्रपति भण्डारीले कार्यालय पनि उद्घाटन गरेकी छन् । 

जननेता मदन भण्डरीको हीरक जयन्ती मनाउन भनेर खोलिएको थापागाउँस्थित यस कार्यालयबाटै एमालेकी पूर्वउपाध्य विद्या भण्डारीले राजनीतिमा सक्रिय हुने भएकी छन् ।