काठमाडौं– इजरायली सेनाले गाजा सहर कब्जाका लागि सैन्य कारबाही सुरू गरेसँगै ठूलो सङ्ख्यामा प्यालेस्टाइनी नागरिकहरूको पलायनको सुरुवात भएको छ ।  

यसैबीच संयुक्त राष्ट्र संघका महासचिव एन्टोनियो गुटेरेसले गाजामा तत्काल युद्धविराम गर्न अपील गरेका छन् । 

उनले इजरायलले सुरू गरेको सैन्य अभियानबाट ‘मृत्यु र विध्वंश’ निश्चित भएकाले रोक्न अत्यावश्यक रहेको पनि बताएका छन् । 

गाजाका अधिकारीहरूका अनुसार १० लाखभन्दा बढी जनसङ्ख्या रहेको उक्त क्षेत्रले कयौँ दिनदेखि बमबारीको सामना गरिरहेको छ । इजराइयी सेनाले गाजा सहरको बाहिरी क्षेत्र नियन्त्रणमा लिइसकेको दाबी गरिरहेको छ । 

एक सैन्य प्रवक्ताको हवाला दिँदै बीबीसीले जैतुन र जबालिया क्षेत्रमा सैनिक पहिलेदेखि नै कारबाही गरिरहेको समाचार प्रकाशित गरेको छ ।