यूएई – च्याम्पियन्स ट्रफी क्रिकेटमा भारतले विजयी सुरुवात गरेको छ। बिहीबार भएको दिवा रात्रि खेलमा भारतले बङ्गलादेशलाई ६ विकेटले हराएको हो।

बङ्गलादेशले दिएको २२९ रनको लक्ष्य पछ्याएको भारतले ४६.३ ओभरमा ४ विकेटको क्षतिमा २३१ रनको योगफल खडा गरेको हो।

भारतका लागि शुभमन गिलले १०१ न जोडे। कप्तान रोहित शर्मा र केएल राहुलले समान ४१-४१ रन जोडे। गिल खेलको म्यान अफ द म्याच बने।

यसअघि टस जितेर पहिले ब्याटिङ गरेको बङ्गलादेशले २ बाल बाँकी रहँदा सम्पूर्ण विकेट गुमाउँदै २२८ रनको योगफल खडा गरेको हो।

खराब सुरुवात गरेको बङ्गलादेशका लागि तोहिद ह्दोयले १०० रन प्रहार गरे। खराब सुरुवात गरेको बङ्गलादेशले ३५ रनमा नै ५ विकेट गुमाएका थियो। ह्दोय र जाकर अलीले छैटौँ विकेटका लागि १५४ रनको साझेदारी गरे। अलीले ६८ रन जोडे।

भारतका मोहम्मद सामीले १० ओभरमा ५३ रन खर्चेर ५ विकेट लिए। हर्षित रानाले ७.४ ओभरमा ३१ रन खर्चेर ३ विकेट लिए। अक्षर पटेलले ९ ओभरमा ४३ रन खर्चेर २ विकेट लिए।