काठमाडौं- एनपीएलमा आज लुम्बिनी लायन्स र चितवन राइनोजबीच खेल हुँदैछ । आजको खेलमा लुम्बिनी लायन्सले टस जितेर चितवन राइनोजविरुद्ध पहिला फिल्डिङ गर्ने निर्णय लिएको छ ।

खेलमा चितवनले दोस्रो विकेट गुमाएको छ । खेलको ३ ओभर २ बलमा लुम्बिनीका अभिशेष गौतमको बलमा चितवनका दीपक बोहोरा आउट भए । उनलाई विकेटकिपर समीर अलीले स्टम्पिङ गरे ।

आउट हुनुअघि उनले १२ बलमा १० रन बनाए । यस क्रममा उनले एक चौका पनि प्रहार गरे ।

यस सिजनको पहिलो खेलमा कर्णाली याक्सलाई ४ विकेटले पराजित गरेको चितवन गति कायम राख्दै प्लेअफ पुग्ने लक्ष्यमा छ । सिजनको पहिलो खेल खेलिरहेको लुम्बिनी सुखद् सुरूआत गर्न चाहन्छ ।

गत संस्करणमा लुम्बिनीले सातमध्ये एक खेलमात्र जितेको थियो । चितवन राइनोज गत संस्करण प्लेअफसम्म पुगेको थियो ।