काठमाडौं– काठमाडौंको न्युरोडमा रहेको जुद्ध वारुण यन्त्र भवन काठमाडौं महानगरपालिकाले मर्मत कार्य गरिरहेको छ। राणाकालीन प्रधानमन्त्री जुद्धशमशेर जबराका पालामा बनेको उक्त भवन जीर्ण हुँदै गएको र जुनसुकै अवस्थामा भत्किन सक्ने खतरा देखिएकोले त्यसलाई मर्मत गरिएको हो ।

कार्यालयमा ३४ जना कर्मचारी छन् र यीमध्ये केही कर्मचारी अहिले पनि नियमित रूपमा सोही भवनको माथिल्लो तलामा बस्दै आएका छन् । 

दुई रोपनी तीन आना भूभाग चर्चेको दुई तले भवनको तल्लो तलामा दुई वटा सटरमा १९९२ सालमा बेलायतबाट लिएर आएको मोसीज कम्पनीको पुरानो मोडलको दुई वटा दमकल राखिएको छ ।

बिहीबार काठमाडौं महानगर उपप्रमुख सुनिता डंगोलले भवन निर्माण कार्यको निरीक्षण गरेकी छन् ।

तस्बिरहरू : नेपाल फोटो लाइब्रेरी