काठमाडौं – नेकपा (एमाले) अध्यक्ष केपी शर्मा ओलीकी पत्नी राधिका शाक्य शनिबार बालकोटस्थित आफ्नो जलेको घर अवलोकन गर्न पुगिन्। जेन–जी आन्दोलनको क्रममा १२ दिनअघि आगलागी हुँदा खण्डहर बनेको घर उनले पहिलोपटक निरीक्षण गरेकी हुन्।

घर अवलोकन गर्ने क्रममा राधिका निकै भावुक बनेकी थिइन्। उनले घर जल्दा मात्रै नभई एउटा ऐतिहासिक धरोहर नै नष्ट भएकाे गुनासो गरिन् ।

भदौ २३ गते सुरु भएको जेन–जी आन्दोलन हिंसात्मक मोडमा गएपछि अर्को दिन २४ गते देशभर नेताका निवास, सरकारी कार्यालय र निजी प्रतिष्ठानहरूमा तोडफोड तथा आगजनी भएका थिए। सोही क्रममा तत्कालीन प्रधानमन्त्री ओलीको बालकोटस्थित निवाससमेत जलेको थियो।

अहिले ओली दम्पत्ति अहिले भक्तपुरको गुण्डुस्थित घरमा बस्दै आएका छन्।