काठमाडौं– नेपाली कांग्रेसका सांसद राजेन्द्र बजगाईंले आफूहरू उपभामुख इन्दिरा रानामगरलाई पदच्यूत गर्ने पक्षमा रहेको बताएका छन् ।

कांग्रेस नेता डा. शेखर कोइरालानिकट सांसदहरूले हस्ताक्षर नगरेको चर्चाबीच उनले आफूहरू रानामगरलाई पदच्यूत गर्ने पक्षमा रहेको बताएका हुन् ।

सांसद बजगाईंले काम विशेषले सोलुखुम्बुबाट भर्खरै काठमाडौं फर्किएका कारण हस्ताक्षरका लागि सिंहदरबार पुग्न केही ढिला भएको पनि बताए ।

‘सिग्नेचर गर्ने हो । म सिग्नेचरको पक्षमै हो,’ उनले खबरहबसँग भने, ‘हाउसमा त्यत्रो बोल्दै आएको छु ।’ कोइरालानिकट अर्का एक सांसदले पनि हस्ताक्षरको विपक्षमा उभिन कुनै निर्देशन नभएको प्रतिक्रिया दिए ।

उनले बुधबार प्रतिनिधिसभा बैठकमा सहभागी हुने क्रममा हस्ताक्षर गरिने पनि बताए । ‘कति साथीहरू जिल्ला जानुभएको होला । कतिपय दर खान जानुभएको होला,’ ती सांसदले भने, ‘भोलि सबै हाउसमा आउनुहुन्छ । भोलि गर्नुभएन, पर्सी गर्नुभएन भने पो गरेनन् भन्ने होला ।’