काठमाडौं- नेकपा एमालेका अध्यक्ष तथा पूर्वप्रधानमन्त्री केपी शर्मा अ‍ोलीले फागुन २१ मा चुनाव नहुने दाबी गरेका छन् । शनिबार पार्टीले मुख्यालय च्यासलमा आयोजना गरेको एक कार्यक्रममा उनले शान्ति सुव्यवस्था कायम नरहेको अवस्थामा फागुन २१ गते चुनाव हुनै नसक्ने दाबी गरेका हुन् ।

ओलीले प्रहरीका १२ सय हतियार, एक लाख गोली लुटिएको पनि उल्लेख गरे । ‘के यो मजाक हो ?’ सरकारलाई प्रश्न गर्दै उनले भने, ‘अटोमेटिक गन लुटिएको छ, साढे पाँच हजार कैदी बाहिरै छन्, उनीहरुलाई कसले भगायो ? कसले लुट्न लगायो ?’

यस्तो अवस्थामा सरकारले चुनाव गराउने नाटक गरिरहेको पनि उनले टिप्पणी गरे । राजनीतिक दलहरुलाई चुनावमा भाग लिन नदिने तयारी चलिरहेको उल्लेख गर्दै ओलीले एक्लै चुनाव लड्न लागिएको हो ?

उनले यो चुनाव नहुने बताउँदै संसद् पुनर्स्थापना हुने दाबी गरे । उनले अपराधी पक्राउ गरी हतियार फिर्ता नभएसम्म चुनाव नहुने बताए ।