काठमाडौं– त्रिभुवन विश्वविद्यालयअन्तर्गत केन्द्रीय क्याम्पसको स्वतन्त्र विद्यार्थी युनियन (स्ववियु) निर्वाचनका लागि स्वतन्त्रतर्फ सभापतिको उम्मेदवार रहेकी पदमा भुसालले धर्नामा बसेकी छन् । 

निर्वाचनको सुनिश्चितताको माग गर्दै उनी मंगलबारबाट आँखामा कालो पट्टी बाँधेर प्रिन्सिपलको कार्यालय तथा निर्वाचन कार्यालय अगाडि दुई घण्टे धर्नामा बसेकी हुन् । 

चैत ८ गतेका लागि तोकिएको निर्वाचन पनि कार्यतालिका बमोजिम अगाडि नबढेको भन्दै भुसालले ८ गते नै निर्वाचन गर्न दबाब दिने उद्देश्यले मंगलबारदेखि हरेक दिन दुई घण्टा धर्ना दिने बताइकी छन् । 

अध्यक्षका लागि स्वतन्त्र उम्मेदवारी दिएकी भुसाल वर्तमान स्ववियुमा कोषाध्यक्ष छन् । बलियो दाबेदार हुँदाहुँदै पनि आफूलाई पूर्णरुपमा अवज्ञा गर्दै संगठनले अर्को उम्मेदवार खडा गरेपछि स्वतन्त्र उम्मेदवारी दिएको उनको भनाइ छ ।