काठमाडौं- नेपाली कम्युनिस्ट पार्टीसँग एकीकरणबारे छलफल गर्न अशोक राई नेतृत्वको जनता समाजवादी पार्टीको केन्द्रीय कार्यकारणी बैठक बसिरहेको छ।

एकजना नेता सुशील श्रेष्ठका अनुसार गत कात्तिक १९ गते १२ दल मिलेर बनेको नेकपासँगक एकताबारे छलफल गर्न अहिले काठमाडौं बैठक बसिरहेको छ ।

नेताहरूका अनुसार माओवादी केन्द्र छाडेका प्रचण्ड र नेकपा एकीकृत समाजवादी छाडेका माधव नेपालले बनाएको नेकपासँग उनीहरूको एकता हुने अघि बढ्न सक्नेछ ।

यसअगाडि एकताका लागि संघीय परिषद् अध्यक्ष राजेन्द्र श्रेष्ठको नेतृत्वमा छलफल भएको थियो । यता नेकपाका नेताहरू पनि अशोक राई नेतृत्वको जसपा आफ्नो पार्टीमा मिसिने कुरामा ढुक्क जस्तै देखिएका छन्।

श्रेष्ठ कार्यकारणी सदस्यहरूले बोल्ने क्रममा बहुमतअनुसारको निर्णय पार्टीले मान्ने बताउँछन् । एमालेबाट छाडेर संघीय समाजवादी पार्टी बनाएका अशोक राई अहिले उपेन्द्र यादव नेतृत्वको जसपा नेपाल छाडेर जसपा चलाइरहेका छन् ।