जेन–जी आन्दोलनमा ज्यान गुमाएकाको सम्मानमा आज राष्ट्रिय शोक मनाइँदै

१ आश्विन २०८२, बुधबार

पढ्न लाग्ने समय : < 1 मिनेट

काठमाडौं– गत भदौ २३ र २४ गते देशभर भएको जेन–जी आन्दोलनका क्रममा ज्यान गुमाएकाहरूको सम्मानमा आज राष्ट्रिय शोक मनाइँदै छ ।

भदौ ३० गते बसेको मन्त्रिपरिषद बैठकले मृतकको सम्मानमा असोज १ गते राष्ट्रिय शोक मनाउने घोषणा गरेको थियो ।

सरकारले जेन–जी प्रदर्शनका क्रममा ज्यान गुमाउनेको सम्मानस्वरूप राष्ट्रिय शोक मनाउन आज देशभर सार्वजनिक बिदा समेत दिएको छ ।

मन्त्रिपरिषदको निर्णयअनुसार आज देशभरका सरकारी कार्यालय, विदेशस्थित नेपाली दूतावास र नियोगहरूमा राष्ट्रिय झण्डा आधा झुकाइने छ ।

प्रकाशित मिति : १ आश्विन २०८२, बुधबार ७ : ३५ बजे

प्रतिक्रिया