काठमाडौं– अमेरिका र भारतबीच व्यापार सम्झौता हुने भएको छ । अमेरिकी राष्ट्रपति डोनाल्ड ट्रम्पले भारतसँग व्यापार सम्झौता ‘अत्यन्तै नजिक’ रहेको बताएका छन् ।
‘हामी भारतसँगको सम्झौताका लागि अत्यन्तै नजिक छौँ,’ ह्वाइटहाउसमा पत्रकारहरू सँगको कुराकानीमा उनले भने, ‘अमेरिकाका लागि भारतीय बजारहरू अझै खुल्छन् ।’
बीबीसीका अनुसार भारत र अमेरिकाबीच पछिल्लो केही सातादेखि व्यापार सम्झौताका लागि छलफल चल्दै आएको छ ।
अमेरिकी राष्ट्रपति ट्रम्पले गत अप्रिल २ मा भारतमाथि २७ प्रतिशत कर लगाउने घोषणा गरेका थिए ।
तर, पछि यसको समयावधि ९ जुलाईसम्म बढाइएको थियो । उक्त म्याद अगस्ट १ सम्मका लागि थप गरिएको छ ।
प्रतिक्रिया