काठमाडौं – भारतीय नौसेनाले हिन्द–प्रशान्त नौसैनिक अभ्यासमा सहभागिता जनाएको छ । बहुराष्ट्रिय नौसैनिक अभ्यासमा भारतसँगै हिन्द–प्रशान्त क्षेत्रका अन्य ८ मुलुकको पनि सहभागिता रहेको छ ।

अभ्यास हिन्द महासागर र प्रशान्त महासागरलाई जोड्ने मलाक्का, सुन्डा र लोम्बोक स्ट्रेट क्षेत्रमा जारी छ । यो क्षेत्र विश्व समुद्री व्यापारका लागि निकै महत्वपूर्ण र संवेदनशील मानिन्छ ।

ला पेरोउस २५ नाम दिइएको अभ्यास गत जनवरी १६ देखि शुरु भएको हो । भारतीय समाचार संस्था एएनआईका अनुसार यो अभ्यास आगामी जनवरी २४ सम्म सञ्चालन हुनेछ ।

सैन्य अभ्यासका लागि भारतीय नौसेनाले आईएनएस मुम्बइ नामक युद्धपोत पठाएको छ । अभ्यासमा भारतसहित क्यानाडा, अस्ट्रेलिया, इण्डोनेशिया, फ्रान्स, मलेशिया, बेलायत, अमेरिका र सिंगापुरका नौसेनाको सहभागिता छ ।