काठमाडौं– नेकपा एमालेको एघारौँ महाधिवेशनमा विद्युतीय मेसिन प्रयोग गरिने भएको छ। 

विद्युतीय मतदानका लागि ८० वटा विद्युतीय भोटिङ मिसिन प्रयोग हुने बताइएको छ । निर्वाचन आयोगका अध्यक्ष डा. विजय सुब्बाका अनुसासार मतदान केन्द्रमा १०० वटा जति मेसिन आएपनि ८० वटा मेसिनबाट मात्रै मतदानमा प्रयोग हुनेछन । 

मतदातालाई करिब आधा घण्टाको समय मतदान गर्न लाग्ने भएकाले मतदान आज बेलुकासम्ममा मात्रै सकिने र भोलि बिहानबाट मात्रै मतगणना सुरु हुनसक्ने देखिन्छ। 

नेकपा एमालेको एघारौँ महाधिवेशनमा २ हजार २ सय ६२ जना प्रतिनिधिहरूले मतदान गर्दैछन्। एमालेको ११ महाधिवेशनमा नेतृत्वका लागि अध्यक्ष केपी शर्मा ओली र वरिष्ठ उपाध्यक्ष ईश्वर पोखरेल बीच प्रतिस्पर्धा हुँदैछ। 

मतदान केन्द्रमा अन्य उम्मेदवारहरू भोट माग्न व्यस्त देखिन्छन् । आज ४ बजेबाट हुने भनिएको मतदान भोटिङ मेसिनमा समस्या देखिएपछि बेलुकाबाट बजै मतदान सुरु हुने सुब्बाको भनाइ छ।