काठमाडौं– नेकपा एमालेको एघारौँ महाधिवेशनका लागि नेतृत्व चयन गर्न आज निर्वाचन हुँदै छ । अध्यक्षका लागि वर्तमान अध्यक्ष केपी शर्मा ओली र वरिष्ठ उपाध्यक्ष ईश्वर पोखरेलबीच प्रतिस्पर्धा हुनेछ । 

अहिले मतदानस्थल भृकुटीमण्डपमा अध्यक्षका उम्मेदवार ईश्वर पोखरेल पुगेका छन् । उनी पुग्दा युवाहरूले नाराबाजी लाएर स्वागत गरेका छन् ।

पोखरेल पुगेर अहिले मतदाताहरूसँग मत मागिरहेको देखिन्छ । उनीसँग केही युवा र केही पाएका व्यक्तिहरू पनि उनको पक्षमा मत माग्नसँगै हिँडेका छन् । 

यता अध्यक्ष केपी शर्मा ओली भने अहिलेसम्म मतदान स्थल पुगेका छैनन्। उनी मतदानस्थलमा जाने तयारीमा रहेको उनको सचिवालय बताउँछ ।

ओली र पोखरेल पक्षले मतदान गर्नका लागि आफ्ना पक्षका नेताको लिस्ट बाँडे पनि सामूहिक मत माग्न भने प्रतिनिधिसँग हिँडेका छैनन् ।

पर्चा टेम्पलेट बोकेर आ-आफ्नो ढंगले नेताहरूले मत मागिरहेको देखिन्छ। शुभेच्छुकले भने आफ्ना पक्षका नेताहरूलाई मत मागिरहेका छन्।