काठमाडौं– मिडिया विकास र प्रेस स्वतन्त्रताको क्षेत्रमा काम गर्ने संस्था मिडिया एक्सन नेपालले सूचना र लोकतन्त्रसँग सम्बन्धित अन्तर्राष्ट्रिय नागरिक समाज सञ्जाल ‘ कोएलिसन अन इन्फर्मेसन एण्ड डेमोक्रेसी ‘मा आधिकारिक रूपमा सामेल भएको छ। 

‘फोरम अन इन्फर्मेसन एण्ड डेमोक्रेसी’ को नेतृत्वमा २०२१ मा स्थापित यस सञ्जालले मिडिया एक्सन नेपाल लगायत विश्वभरका ६५ प्रमुख नागरिक संस्थाहरूलाई एकै ठाउँमा ल्याउँदैछ र विश्वव्यापी सूचना तथा सञ्चार क्षेत्रमा लोकतन्त्रको रक्षाका उपायहरूलाई प्रवर्द्धन गरिरहेको छ।

हालै,एफआईडीआईएललाई मानव अधिकार र लोकतान्त्रिक संस्थाहरूमा डिजिटल सूचना इकोसिस्टमको प्रभावको मूल्याङ्कन गर्न र नियामक र स्व-नियामक उपायहरूको विकासमा सहयोग गर्न ५५ राष्ट्रहरूले समर्थन गरेको सूचना र लोकतन्त्रको लागि साझेदारीको कार्यान्वयन निकायको रूपमा स्थापित गरिएको छ ।

यस प्रभावशाली सञ्जालमा सामेल भएर , मिडिया एक्सन नेपालले सूचनाको अखण्डता सुनिश्चित गर्ने , अभिव्यक्ति स्वतन्त्रताको रक्षा गर्ने र गलत सूचना विरुद्ध लड्ने आफ्नो प्रतिबद्धतालाई अझ बलियो बनाएको छ । स्वतन्त्र र जिम्मेवार मिडियाको वकालत गर्न २०१५ मा स्थापित यस संस्थाले मिडिया विकास, पत्रकार सुरक्षा र नीति वकालतका क्षेत्रमा महत्त्वपूर्ण योगदान पुर्‍याउँदै आएको छ।