एजेन्सी– बङ्गलादेशको राजधानीमा शनिबार दशौँ हजार प्रदर्शनकारीहरू भेला भई चुनावअघि कट्टरपन्थीहरूको लागि शक्ति प्रदर्शन गर्न एक सानो मुस्लिम सम्प्रदायका अनुयायीहरूले आफुहरूलाई काफिर घोषित गर्न माग गरेका छन्।

सुफीवादको शाखाका अनुयायी अहमदिया समुदायको १९ औं शताब्दीमो भारतमा उत्पत्ति भएको थियो भने उनीहरू भारत पाकिस्तान विभाजनमा पाकिस्तान र पाकिस्तान बङ्गलादेशबीचको विभाजनपछि बङ्गलादेशमा पुगेका थिए । 

उनीहरूमाथि मुस्लिम बहुल बङ्गलादेशमा लामो समयदेखि उत्पीडनमा परेका बताउने गरिएको छ। गत वर्ष विद्यार्थीहरूको नेतृत्वमा भएको क्रान्तिमा पूर्व प्रधानमन्त्री शेख हसिनाको सरकार ढलेपछि देशभरि अल्पसङ्ख्यक सम्प्रदायका सदस्यलाई लक्षित गरी भीडले आक्रमण गरेको थियो।

हसिनाको निरंकुश शासनमा दबाइएका कट्टरपन्थी इस्लामिक समूहहरू फेब्रुअरीमा हुने आम चुनावमा आंशिक रूपमा प्रगति गर्ने आशामा पछिल्ला केही दिनदेखि आन्दोलित बनेका छन् । 

शनिबार ढाकाको मुटुमा भारत, पाकिस्तान, साउदी अरब र इजिप्टका राजनीतिक नेता र वरिष्ठ इस्लामिक प्रचारकहरू पनि उपस्थित थिए।
 
केही प्रदर्शनकारीले ‘अहमदियालाई काफिर घोषित गरिनुपर्छ’ लेखिएको टिसर्ट लगाएका थिए । ब्यानरमा ‘अब’ कुनै पनि सम्प्रदायबिरूद्ध उत्पीडन गर्न रोक लगाउने गरी कानून बनाउन आह्वान गरिएको छ।
 
कट्टरपन्थी इस्लामिक विद्वानहरूले प्रायः उनीहरूलाई विधर्मीका रूपमा निन्दा गर्छन्, मोहम्मदपछि एक भविष्यवक्तामा उनीहरूको विश्वासलाई ईश्वरनिन्दा भन्छन्।
 
र्‍यालीमा भाग लिइरहेका एक १५ वर्षीय बालकले आफ्ना शिक्षकले उनलाई प्रदर्शनमा उपस्थित हुन प्रोत्साहित गरेको र ‘अहमदियाहरूले इस्लामिक धर्मलाई प्रदूषित गरिरहेका छन्’ भनी तर्क गरे।
 
बङ्गलादेशमा अहमदिया समुदायका प्रवक्ता अहमद तशीर चौधरीले उनीहरूबिरूद्धको धार्मिक तर्कहरूको खण्डन गर्दै भने, ‘धर्मलाई राजनीतिक हतियारको रूपमा प्रयोग गरिएको छ।’ 

बङ्गलादेशको कुल जनसङ्ख्याको एक प्रतिशतभन्दा कम जनसङ्ख्या अहमदियाको छ ।