काठमाडौँ– जेन-जी आन्दोलनले देशभर मात्र होइन, अन्तर्राष्ट्रिय स्तरमै ध्यान खिचेको बेला ब्रिटिश ट्राभल भ्लगर ह्यारी ज्याक्सनले खिचेको भिडियो अचानक युट्युबबाट गायब भयो।

 ‘द साइड अफ नेपाल द मिडिया वोन्ट शो यु’ शीर्षकमा अपलोड गरिएको उक्त भिडियोमा संसद् भवन अगाडि भएको आगजनी, युवाहरूको उत्साह, तथा आन्दोलनकै यथार्थ तस्वीर एक विदेशीको नजरबाट प्रस्तुत गरिएको थियो। तर, यो भिडियो युट्युबमा अर्को प्रयोगकर्ताले ‘कपीराइट क्लेम’ गरेपछि हटाइएको छ ।

भिडियो हटाइएपछि ह्यारी स्वयंले आफ्नो युट्युब च्यानल ‘वी हेट द कोल्डु मा नयाँ भ्लगमार्फत जानकारी दिँदै यसलाई ‘इतिहास लुकाउने प्रयास’ भन्दै आक्रोश पोखेका छन्। उनका अनुसार, भिडियोमा कुनै पनि सङ्गीत वा अरूको सामग्री प्रयोग गरिएको थिएन, सबै कन्टेन्ट मौलिक थियो। उनले भने, ‘यो स्पष्ट रूपमा गलत आरोप हो, म यसलाई फिर्ता ल्याउन प्रयासरत छु।’

अहिले पनि सो भिडियो उनको फेसबुक पेज ‘वि हेट द कोल्ड’ मा उपलब्ध छ।