काठमाडौं– काठमाडौंको चन्द्रागिरी नगरपालिका– ११ सतुङ्गल चोकस्थित आरआर कम्प्लेक्समा बिहीबार बिहान आगलागी भएको छ ।
कपडा पसल समेत रहेकाे कम्प्लेक्समा विद्युत सर्ट भएर आगलागी भएको बताइएको छ ।
आगो नियन्त्रणका लागि सशस्त्र प्रहरी बल नेपाल नम्बर १८ निलबाराही गणबाट सशस्त्र प्रहरी निरीक्षक गोविन्द पौडेलको कमाण्डमा २५ र थप १५ गरी ४० जनाको टोली खटिएको थियो ।
यस्तै प्रहरी वृत्त थानकोटबाट ३० जनाको टोली परिचालन गरिएको थियो । आगो नियन्त्रणका लागि ६ वटा दमकलको प्रयोग गरिएको थियो ।
आगलागीबाट भएको क्षतिको विवरण आउन बाँकी रहेको छ । विवरण सङ्कलन भइरहेको प्रहरीले जानकारी दिएको छ ।
प्रतिक्रिया