काठमाडौं– निर्वाचन आयोगले नागरिक उन्मुक्ति पार्टी (नाउपा) को अध्यक्षमा निरन्तरता दिएपछि रञ्जिता श्रेष्ठले सामाजिक सञ्जाल खुशी साटेकी छन् । 

पार्टीका संरक्षक एवम् पति रेशमलाल चौधरी पक्षले काठमाडौं प्रथम राष्ट्रिय भेला गरेर अध्यक्ष तथा साधारण सदस्यबाट समेत निष्कासन गर्ने निर्णय आयोगबाट अवैध ठहर भएसँगै उनको खुशी प्रकट भएको हो । 

 बुधबार मात्रै आयोगले सांसद लालवीर चौधरीलाई मान्यता नदिएर आफैँलाई आधिकारिक अध्यक्ष भनेपछि मल्टिमिडिया प्लेटफर्म टिकटकमा एउटा भिडियो शेयर गरेकी छन् । प्रधानमन्त्री केपी शर्मा ओलीसँग कैद गरेर फ्रेममा सजाएको तस्बिरमुनि बसेर रञ्जिताले उक्त टिकटक बनाएकी छन् । 

 उनले ‘आज मै उपर, आसमा निचे आज मे आगे, जमाना हे पिछे…’ बोलको हिन्दी फिल्मको गीतमा टिकटक बनाएर अभिनय पनि गरेकी छन् ।