काठमाडौं – नेपाल र बंगलादेशबीचको मैत्रीपूर्ण फुटबल खेल बराबरीमा सकिएको छ । इन्जुरी समयमा नेपालले गोल फर्काएपछि खेल बराबरीमा सकिएको हो ।

बिहीबार ढाकास्थित नेशनल स्टेडियममा भएको रोमाञ्चक खेलमा नेपालले पहिलो हाफमा अग्रता लिएको थियो। तर, दोस्रो हाफको सुरुवातमै घरेलु टोली बंगलादेशले लगातार दुई गोल फर्काउँदै खेल आफ्नो पक्षमा पार्यो ।

नेपालका लागि २९औं मिनेटमा रोहित चन्दले डिबक्स बाहिरबाट प्रहार गरेको आकर्षक गोलले सुरुवाती अग्रता दिलाएका थिए। रोहितको यो दोस्रो अन्तर्राष्ट्रिय गोल हो।

तर, दोस्रो हाफको सुरुवातमै बंगलादेशका स्टार खेलाडी हम्जा चौधरी चम्किए । ४६औं मिनेटमा उनले आकर्षक गोल गर्दै खेल बराबरीमा ल्याए। त्यसको तीन मिनेटपछि पेनाल्टीमार्फत हम्जाले दोस्रो गोल गर्दै बंगलादेशलाई २–१ को अग्रता दिलाए।

खेल सकिन लाग्दा इन्जुरी समयमा अनन्त तामाङले हेडिङमार्फत निर्णायक गोल गर्दै नेपाललाई हारबाट जोगाए।

यो खेल दुवै देशका लागि आगामी एएफसी एसियन कप छनोट तयारीको रुपमा लिइएको छ । नेपालले अब आगामी नोभेम्बर १८ ९मंसिर २८० मा मलेसियासँग छनोट चरणको खेल खेल्नेछ।