काठमाडौं– द काउन्सिल अफ जेन-जीले कोशी प्रदेशका जिल्लाहरूमा संगठन विस्तार गरेको छ। सुदन गुरुङ संयोजक रहेको यो समूहले झापाबाहेकका अन्य जिल्लाहरूमा संगठन विस्तार गरेको कोशी संयोजक उपार्जुङ राईले खबरहबलाई बताए ।

उनका अनुसार झापामा भने धेरै आकांक्षी हुँदा संयोजक तोक्न कठिनाइ भएको हो । उनका अनुसार झापामा केही दिनभित्रै संयोजक तोकिने बताइएको छ। 

राईले खबरहबलाई दिएको जानकारी अनुसार पाँचथरमा कुशल लिम्बु, ताप्लेजुङमा सरोज कलिंगा, तेह्रथुममा विनिता लिम्बु, इलाममा सुदीप राई, धनकुटामा सिजन जोशी, सुनसरीमा नवीन राई, मोरङमा राम खत्री, भोजपुरमा आशिका तामाङ, उदयपुरमा सुरेन्द्र साम्पाङ, ओखलढुङ्गामा सुजन आङ्गो, खोटाङमा आइस राई र सोलुखुम्बुमा करिना राई रहेका छन्।

यसैगरी देशभर काउन्सिल अफ जेन-जीले संगठन विस्तार गर्दै लगिने उनले बताए । संयोजकहरू उत्साहित भएर आफ्ना गतिविधि गरिरहेको र भ्रष्टाचार र कुशासनविरुद्ध आवाज उठाइरहेको उनले बताए ।