काठमाडौं– लोमस फर्मास्युटिकल्स प्रा.लि काठमाडौंले उत्पादन गरेको सेटोफेन औषधि बजारबाट तत्काल फिर्ता लैजान औषधि व्यवस्था विभागले निर्देशन दिएको छ।
विभागले एक सूचना जारी गर्दै लोमसले उत्पादन गरेको सीटी–११२३ ब्याच नम्बर को सेटोफेन (पारासिटामोल ट्याबलेट बीपी) न्यून गुणस्तरको भएको भन्दै बजारबाट तत्काल फिर्ता लैजान निर्देशन दिएको हो ।
बजार अनुगमनको क्रममा उक्त ब्याच नम्बरको औषधि न्यून गुणस्तर भएको पाइएकाले औषधि ऐन २०३५ को दफा १४ बमोजिम बिक्री वितरण रोक्का गरी बजारमा फिर्ता लैजान विभागद्वारा जारी सूचनामा भनिएको छ ।
साथै उक्त औषधिको सिफारिस, बिक्री वितरण तथा प्रयोग नगर्न विभागले सबैमा आग्रह गरेको छ ।
प्रतिक्रिया