बागमती– स्थानीय प्रशासनले निषेधाज्ञा र कर्फ्यु हटाएपछि आज बिहानबाटै हेटौँडालगायत बजारको जनजीवन सामान्य बन्दै गएको छ ।
मकवानपुरका प्रमुख जिल्ला अधिकारी स्कीम श्रेष्ठले आज बिहान सूचना जारी गर्दै बिहान १० बजेबाट निषेधाज्ञा र कर्फ्यु हटाएका हुन् ।
निषेधाज्ञा र कर्फ्यु हटेसँगै बजार, पसल खुलेको छ भने बजारमा चहलपहल बढेको छ । जेन-जीको प्रदर्शनका कारण मुलुकको असहज परिस्थितिलाई मध्यनजर गर्दै स्थानीय प्रशासनले यही भदौ २६ गतेदेखि मकवानपुर जिल्लाभरि निषेधाज्ञा र कर्फ्यु जारी गरेको थियो ।
आन्दोलनकारीहरूले हेटौँडास्थित डेढ दर्जन सरकारी कार्यालयमा तोडफोड र आगजनी गरेका थिए ।
प्रतिक्रिया