काठमाडौं– नेकपा (एमाल)को भ्रातृ संगठन अनेरास्ववियुको केन्द्रीय कार्यालयमा राखिएको अध्यक्ष डा. सुजन कडरियाको तस्बिर फुटालिएको छ । शनिबार कार्यालयमा राखिएको उनको तस्बिर फुटाल्दै नेमप्लेट जलाइएको छ ।
अध्यक्ष कडरियाले जेन–जी पुस्ताको आन्दोलन सुरू भएकै दिन भदौ २३ मा पदबाट राजीनामाको घोषणा गरेका थिए । उनले आन्दोलन शान्त भएपछि राजीनामा फिर्ता लिएका थिए । कडरियाले ‘ज्यान जाने डरले मात्रै राजीनामा दिएको हुँ’ भनेका थिए ।
आन्दोलन चर्किँदा राजीनामा दिने र शान्त भएपछि फिर्ता लिने कडरियासँग असन्तुष्ट अनेरास्ववियुका नेता–कार्यकर्ताहरू पूर्वअध्यक्षको सूचीमा उनको नाम र तस्बिर नराख्न माग उठाइरहेका छन् ।
प्रतिक्रिया