नयाँ दिल्ली – डोइच बैंक रिसर्चका अनुसार, विश्वभर बढ्दो कृत्रिम बुद्धिमत्ता (एआई) प्रविधिको माग ले निजी क्षेत्रलाई पूँजीगत खर्च वृद्धिको नेतृत्व गर्न प्रेरित गरेको छ।

अध्ययन अनुसार, २०औं शताब्दीसम्म सार्वजनिक क्षेत्रकै पूँजीगत लगानी हावी थियो, तर पछिल्लो दशकहरूमा सरकारको भूमिका घट्दै निजी क्षेत्रको लगानी बढ्दै गएको छ। विशेष गरी टेलिकम पूर्वाधार, फाइबर नेटवर्क, तथा एआईमा केन्द्रित डेटा सेन्टरहरूको विकास प्रमुख उदाहरणहरू हुन्।

एआई प्रविधिमा भइरहेको यो उच्च लगानीले उत्पादकत्वमा सुधार ल्याउने तथा वैश्विक अर्थतन्त्रलाई पुनःपरिभाषित गर्ने अपेक्षा गरिएको छ। यद्यपि, बैंकले चेतावनी दिएको छ कि निजी क्षेत्रको व्यापक लगानीले भविष्यमा अर्थतन्त्रमा चक्रिय उतारचढाव निम्त्याउन सक्छ।

बैंकका अनुसार, हालको लगानीको धेरै हिस्सा नाफाबाट वित्तपोषण गरिएको छ, जसले संभावित आर्थिक मन्दीमा वित्तीय संकटको जोखिम घटाउनेछ। तथापि, एआई स्टकहरूमा बढी निर्भरता तथा वेल्थइफेक्ट को कारण सम्भावित बजार गिरावटले लगानीकर्ताहरू र उपभोक्ता खर्चमा असर पुर्याउन सक्छ।