एजेन्सी– रूसी राष्ट्रपति भ्लादिमिर पुटिन र अमेरिकी राष्ट्रपति डोनाल्ड ट्रम्प बीचको आगामी बैठकले द्विपक्षीय सम्बन्धलाई सामान्य बनाउन मद्दत गर्नसक्ने रुसले आशा गरेको छ ।

रूसी दैनिक इजभेस्टियाले मंगलबार रूसी उप विदेशमन्त्री सर्गेई रयाबकोभलाई उद्धृत गर्दै यस्तो बताएको हो ।

रयाबकोभले अलास्का शिखर सम्मेलनले दुई देशबीच प्रत्यक्ष यात्री उडानहरू पुनः सुरु गर्ने लगायत विशेष मुद्दाहरूको समाधानलाई अगाडि बढाउन मद्दत गर्न सक्ने बताए।

‘हामीलाई आशा छ कि आगामी उच्चस्तरीय बैठकले द्विपक्षीय सम्बन्धको सामान्यीकरणलाई प्रेरणा दिनेछ, जसले हामीलाई हवाई सम्पर्क पुनःस्थापना जस्ता मुद्दाहरूमा अगाडि बढ्न अनुमति दिनेछ’, उनले भने।

सोमबार ट्रम्पले शुक्रबार रुसी राष्ट्रपति पुटिनसँगको आफ्नो आगामी बैठक ‘परीक्षण गर्ने’ बैठक हुने बताए। 

रूसी राष्ट्रपतिका सहयोगी युरी उशाकोभले स्थलको छनोटलाई ‘तार्किक’ भनेका छन् । यो यस्तो क्षेत्र हो जहाँ दुवै देशको आर्थिक हितहरू एकअर्कामा मिल्छन् ।