काठमाडौं – फ्लोरिकल्चर एसोसिएसन नेपाल ( फ्यान)को नयाँ नेतृत्व चयन भएको छ।

विशेष साधारण सभाबाट राजेशभक्त श्रेष्ठको नेतृत्वमा नयाँ कार्यसमिति चयन भएको हो।अध्यक्षमा ८० मत ल्याएर श्रेष्ठ निर्वाचित हुँदा उनका प्रतिद्वन्द्वी दिलीप बादेले ७७ मत ल्याएका छन् । उनीहरुको मतान्तर तीन मात्र रह्यो ।

श्रेष्ठ नेतृत्वको कार्यसमितिको वरिष्ठ उपाध्यक्षमा रामबहादुर तामाङ निर्विरोध हुँदा उपाध्यक्षमा सुमन महर्जन विजयी भएका छन्। वरिष्ठ उपाध्यक्ष निर्विरोध बन्दा सुमन महर्जन ८९ मतसहित उपाध्यक्ष निर्वाचित हुँदा उनका प्रतिस्पर्धी रामेश्वर बासीले ५६ मत पाए ।

हिरामणि शर्मा महासचिव निर्वाचित हुँदा सचिवमा राजु तामाङ र कोषाध्यक्षमा राजकृष्ण बजगाईं निर्विरोध निर्वाचित भएका छन्।

यसैगरी, कार्यसमिति सदस्यमा उत्तम तिमल्सिना, कृष्णराम थापा, कमला लामा, दशराम सुनुवार, सिताराम लामिछाने, इन्द्र कुमार श्रेष्ठ र मन्दिर श्रेष्ठ निर्वाचित भएका छन्।

यस अघिको कार्यसमितिलाई जिल्ला प्रशासन कार्यालय, ललितपुरले मान्यता नदिएपछि विशेष महाधिवेशनमार्फत् नयाँ कार्यसमिति चयन भएको हो । नयाँ कार्यसमितिको अवधि तीन वर्षको रहनेछ ।