काठमाडौं– नेकपा एमालेको भातृ संगठन राष्ट्रिय युवा संघले शनिबार आयोजना गरेको मोटरसाइकल र्‍याली स्थगित गर्दै सरकारलाई २४ घण्टे अल्टिमेटम दिएको छ ।

शुक्रबार रिपोर्टस क्लबमा पत्रकार सम्मेलन गर्दै राष्ट्रिय युवा संघ नेपालले शनिबार आयोजना गरिएको मोटरसाइकल र्‍याली स्थगित गर्दै २४ घण्टाभित्र आइतबार यसका लागि स्वीकृति दिनुपर्ने भन्दै अल्टिमेटम दिएको हो ।

‘भोलिको शान्तिपूर्ण बाइक र्‍याली सरकारले रोकेको छ र हामीले स्वीकार गरेका छौँ, २४ घण्टामा आइतबार बाइक र्‍यालीको स्वीकृति दिन पनि सरकारलाई आह्वान गर्न चाहन्छौं’, संघका अध्यक्ष क्षितिज थेबेले भने ।

उनले आफूहरू शान्तिको पक्षमा मोटरसाइकल र्‍याली गर्न लागेको र सरकारले सो र्याली गर्न नदिने निर्णय गरेकोमा खेद प्रकट गरे ।