फिलिपिन्स – फिलिपिन्समा ७.४ म्याग्निच्युडको भूकम्प गएको छ । मिन्डानाओ क्षेत्रमा भूकम्प गए लगत्तै सुनामीको चेतावनी दिइएको छ। भूकम्पले फिलिपिन्ससँगै इन्डोनेसिया र पलाउ तटीय क्षेत्रमा सुनामीको चेतावनी दिइएको हो ।

फिलिपिन्सका अधिकारीले तटीय क्षेत्रका बासिन्दालाई उच्च स्थानमा बस्न र डुङ्गालाई सुरक्षित राख्न आग्रह गरेका छन्।

फिलिपिन्सको मिन्डानाओ क्षेत्रको तटमा शुक्रबार बिहान ७.४ म्याग्निच्युडको शक्तिशाली भूकम्प गएको हो ।

भूकम्पको केन्द्रबिन्दुबाट तीन सय किलोमिटरभन्दा टाढा रहेका इन्डोनेसियाको उत्तरी सुलावेसी र पपुवा क्षेत्रमा पनि सुनामीको चेतावनी दिइएको बिबिसीले उल्लेख गरेको छ ।

गत हप्ता फिलिपिन्सको सेबु प्रान्तको बोओगको तटीय सहरमा ७ म्याग्निच्यूडको भूकम्प गएको थियो । उक्त भूकम्पमा परेर ७४ जनाको मृत्यु हुँदा पाँच सय बढी घाइते भएका थिए।