काभ्रे – काभ्रेपको बनेपा नगरपालिका–९ नयाँ बस्तीमा बुधबार साँझ सकेट बम फेला परेको छ। नयाँ बस्तीस्थित ध्यानकुटी विहार नजिकैको चोकमा उक्त बम भेटिएको जिल्ला प्रहरी प्रमुख कोमल शाहले जानकारी दिए।
सुरक्षाकर्मीका अनुसार बमलाई प्राविधिक कारणले बुधबार नै निष्क्रिय पार्न सकिने अवस्था नभएकाले भोलि बिहान मात्र डिस्पोज गर्ने तयारी गरिएको छ।
सेनाको प्राविधिक टोली त्यहाँ पुगिसकेको भए पनि बस्तीको बीच भागमै बम रहेको हुँदा तत्कालै निष्क्रिय पार्न कठिनाइ भएको जनाइएको छ। रातभर सेना र प्रहरीले उक्त क्षेत्रमा कडा सुरक्षा सतर्कता अपनाउने भएका छन्।
प्रतिक्रिया