काठमाडौं – नेकपा (एमाले)का महासचिव शंकर पोखरेलले पार्टी पालिका स्तरीय जनपरिचालन प्रभावकारी बनाउन निर्देशन दिएका छन् । प्रतिगामी षडयन्त्रविरुद्ध एमालेले आयोजना गरेको पालिका स्तरीय जनपरिचालन कार्यक्रमलाई सफल बनाउन पोखरेलले पाँच बुँदे निर्देशन जारी गरेका हुन् ।

महासचिव पोखरेलले सामाजिक सञ्जालमार्फत् कार्यकर्तालाई जनपरिचालनमा सहभागी हुने संख्याका आधारमा आवश्यकता आधारमा पार्टीको झण्डा, ब्यानर र प्लेकार्ड तयार भनेका छन्।

यसैगरी जनपरिचलनका लागि घना बस्ती भएको क्षेत्र छनौट गर्न सुझाएका पोखरेलले जनप्रर्दशनको अन्त्यमा छोटो तर प्रभावकारी कोणसभा गर्न सुझाव दिएका छन् ।

जनप्रदर्शनका क्रममा भिडियो÷फोटोहरु सामाजिक सञ्जालमा ब्यापक मात्रामा शेयर गर्न र त्यस्ता सामग्रीहरु आम सञ्चार माध्यममा पठाउनसमेत निर्देशन दिएका छन्।

एमालेको गत असोजक २९ देखि ३१ गतेसम्म भएको केन्द्रीय कमिटी बैठकले देशैभर जनपरिचालन गर्ने निर्णय गरेको थियो । जस अनुसार हिजो कातिक २२ गते सबै वडामा एमालेले भेला सम्पन्न गरेको छ ।