भक्तपुर– नेकपा (एमाले) का स्थायी कमिटी सदस्य तथा जनसंगठन समन्वय प्रमुख भानुभक्त ढकालले पार्टीलाई चौतर्फी आक्रमण भइरहेका बेला पुनर्गठनको बहस उठाउनु असान्दर्भिक भएको बताएका छन् ।

भक्तपुर जिल्ला कमिटीले आज गुण्डुमा आयोजना गरेको कार्यक्रममा बोल्दै उनले भने, ‘एमालेमा नेतृत्वको गठन र पुनर्गठन स्वाभाविक प्रक्रिया हो। यो नियमित रूपमा हुन्छ पनि । तर अहिले जब पार्टीमाथि विभिन्न दिशाबाट आक्रमण भइरहेका छन्, त्यस्तो बेला पुनर्गठनको होइन, एकताको आवश्यकता छ।’

ढकालले एमाले पुनर्गठनका विषयहरू पार्टीको महाधिवेशन वा केन्द्रीय कमिटीजस्ता उचित फोरममा उठाउन सकिने बताउँदै अहिले त्यसबारे प्रचारबाजी गर्नु अनुचित रहेको उल्लेख गरे

उनले थपे, ‘भदौ २० देखि २२ गतेसम्म सम्पन्न दोस्रो विधान महाधिवेशनले तय गरेको बाटोमै अघि बढ्दै जेन–जी आन्दोलनले उठाएका सही एजेन्डाहरू पार्टीले आत्मसात् गर्नेछ’, उनले भने