काठमाडौं– नेपाली कांग्रेसका सभापति शेरबहादुर देउवामाथि आक्रमण भएपछि महामन्त्री गगनकुमार थापामाथि पनि कुटपिट भएको दाबीसहित एउटा भिडियो भाइरल भइरहेको छ ।
तर, उक्त भिडियोमा ती सडकमै कुटाइ खाइरहेका व्यक्ति महामन्त्री थापासँग मिल्दोजुल्दो भने देखिँदैनन् ।
यसैबीच उनको सचिवालयले महामन्त्री थापामाथि कुटपिट नभएको प्रष्ट पारेको छ ।
‘महामन्त्री सुरक्षित हुनुहुन्छ,’ थापाको सचिवालयले भन्यो, ‘कुनै कुटपिट भएको होइन ।’
जेन–जी पुस्ताको आन्दोलनमाथि सरकारले दमन गरेपछि आक्रोशित समूहले मंगलबार मध्यान्हतिर महामन्त्री थापाको रातोपुलस्थित निवासमा आगजनी गरेका थिए ।
प्रतिक्रिया