काठमाडौँ- ललितपुरको भैंसेपाटीस्थित संघीय सरकारका मन्त्रीहरूको निवासमा प्रदर्शनकारी छिरेका छन् ।

मन्त्रीहरूलाई उद्धारका लागि नेपाली सेनाको हेलिकप्टर पुगेसँगै प्रदर्शनकारीहरू गेट फुटाएर मन्त्री निवासमा छिरेका हुन् ।

स्थानीय प्रत्यक्षदर्शीहरूका अनुसार भैंसेपाटीस्थित मन्त्री निवासमा तीनवटा हेलिकप्टर पुगेका थिए । सेनाको हेलिकप्टर गएको थाहा पाएसँगै उत्तेजित प्रदर्शनकारीहरू मन्त्री निवासको गेट फुटाएर भित्र छिरेका हुन् ।

पुल्चोकस्थित मन्त्री निवास साँघुरो भएको भन्दै दुई वर्षअघि मात्रै मन्त्री निवास बनाइएको थियो । त्यहाँ रहेका मन्त्रीहरूलाई नेपाली सेनाको हेलिकप्टरले उद्धार गरेर अन्यत्र लगेको छ। मन्त्री निवासमा संघीय सरकारका मन्त्री र प्रदेश सरकारका मुख्यमन्त्रीहरूलाई राख्ने गरिएको थियो ।