काठमाडौं– नेकपा एमालेका वरिष्ठ उपाध्यक्ष ईश्वर पोखरेलले एघारौँ महाधिवेशनमा प्रस्तुत गर्नका लागि छुट्टै दस्तावेज पेस गरेका छन् । 

उनले तयार पारेको दस्तावेज आज च्यासल पुगेर महासचिव शंकर पोखरेललाई बुझाएका छन् । पत्र बुझाउँदै उनले आफूले तयार पारेको दस्तावेजको विषयमा अध्यक्ष केपी शर्मा ओलीसँग छलफल गरिसकेकाले आफूले पोखरेल दस्तावेज बुझाएको र त्यो दस्ताबेज ओलीको अनुकूलता अनुसार अध्ययन गर्ने दाबी गरे । 

दस्तावेज बुझाएपछि पत्रकारसँग कुरा गर्दै पोखरेलले पार्टीको एघारौँ महाधिवेशनबारे तयार पारिएको अवधारणा पत्र पार्टी दस्तावेजमा समावेश हुने दाबी गरेका छन् । 

‘हाम्रा मुद्दाहरु महाधिवेशनमा प्रस्तुत हुने दस्तावेजमा समावेश हुने विश्वास छ ।’ पोखरेलले भने,’विधिसम्मत रुपमा पार्टीको नेतृत्व चयन हुन्छ भन्नेमा ढुक्क छौँ ।’

पोखरेले आफ्नो दस्तावेजमा के के कुराहरू समावेश गरेका छन् भन्ने कुरा भने अहिलेसम्म खुलाएका छैनन्।