एजेन्सी – भारतमा भारी वर्षापछि पश्चिम बंगालका दुई प्रसिद्ध वन्यजन्तु निकुञ्ज डुबानमा परेपछि बाघ, चितुवा र हात्तीको झुण्ड भागेको राज्य अधिकारीहरूले बुधबार जानकारी दिएका छन् ।

अक्टोबर ३ देखि राज्यभरि बाढी र भूस्खलनमा कम्तीमा ३६ जनाको मृत्यु भएको छ । भारी वर्षाले सयौँ घर ध्वस्त पारेको छ, चिया बगानहरू बगाएको छ र सडकहरू दुर्गम भएका छन् ।

बाढीले गोरुमारा र जलदापारा राष्ट्रिय निकुञ्जको ठूलो भाग डुबाएको छ । यो निकुञ्जले हिमाली फेदमा संरक्षित आरक्षहरूमा हात्ती, अर्ना, बाघ र लुप्तप्राय एक सिङ्गे गैँडालाई आश्रय दिएको छ ।

‘दुईवटा वन्यजन्तु निकुञ्ज बाढीको पानीमा डुबेका कारण जनावरहरू बाहिर निस्कन बाध्य भएका छन्’, पश्चिम बङ्गालका वनमन्त्री वीरबाह हंसडाले भने । उनका अनुसार ३० हात्तीको झुण्ड भागेको थियो । पानीबाट भागिरहेको देखिएको थियो ।

उनले एउटा चितुवा ‘धमिलो पानी’ मा देखिएको थियो, तर त्यसबेलादेखि देखिएको छैन । केही जनावरहरू भाग्न सकेनन् ।

‘नदीको किनारमा मरेका जनावरहरूको शव निस्कन थालेको छ’, उनले मरेका जनावरहरूमा दुई चितुवा, एउटा गैँडा र धेरै अर्ना र हरिण रहेको जानकारी दिँदै भने ।

केही उद्धारहरू सफल भए । ‘नदीको किनारमा फसेको एउटा वयस्क गैँडा र दुई हात्तीको छावालाई बाहिर निकाल्न दुई बन्दी हात्तीहरू प्रयोग गरिएको थियो’, उनले भने।

भारतको एक सिङ्गे एसियाली गैँडाको जनसङ्ख्या विगत चार दशकमा संरक्षण प्रयास र अवैध शिकार विरोधी कदमका कारण लगभग तीन गुणा बढेको छ । चार दशक पहिले एक हजार पाँच सय रहेको जनसङ्ख्या अहिले चार हजारभन्दा बढी छ ।