काठमाडौं– स्वतन्त्र सांसद अमरेशकुमार सिंहले विपत्को घडीमा पक्ष-विपक्ष नभनेर सबै एक ठाउँमा उभिएर राहत र उद्धार कार्यमा जुट्नु पर्ने बताएका छन् ।
प्रतिनिधिसभाको मंगलबारको बैठकमा उनले रसुवामा आएको बाढीले पुर्याएको ‘ यस्तो विपत्को घडीमा हामी पक्ष-विपक्ष एक ठाउँमा उभिएर राहत कार्यमा जुट्नु पर्छ, उद्धार कार्यमा जुट्नुपर्छ,’ सांसद सिंहले भने ।
उनले सरकारलाई अविलम्ब बाढीपीडितको उद्धार र राहत कार्य एकसाथ अघि बढाउन पनि आग्रह गरे ।
‘सरकारले अविलम्ब राहत र उद्धार सँगसँगै लग्नु पर्छ,’ सिंहले भने, ‘कहिले उद्धारमा लाग्छ तर राहतमा पछि पर्छ । दुइटै सँगसँगै जानु पर्छ ।’
उनले सरकारले दैनिक रुपमा गर्दै आएका कामहरू छाडेर प्राकृतिक विपत्को सामना गर्नुपर्ने र आगामी दिनमा क्षति नहुन दिन सजगता अपनाउनुपर्नेमा पनि जोड दिए ।
‘अरु दैनिक काम गर्नुभन्दा यस्तो प्राकृतिक विपत्तिमा सरकारको काम सम्बन्धित ठाउँमा हुनुपर्छ । सुरक्षा निकायका ध्यान सम्बन्धित ठाउँमा हुनुपर्छ,’ सांसद सिंहले भने, ‘आगामी दिनमा यस्तो क्षति नहोस् भन्नका लागि सरकारले सजगता अपनाउनुपर्छ ।’
प्रतिक्रिया