काठमाडौं– नेपाली कांग्रेसका महामन्त्री विश्वप्रकाश शर्माले विशेष महाधिवेशनका लागि हस्ताक्षर गर्न अपिल गरेका छन् । असोज २६ गते कांग्रेसको केन्द्रीय समितिको बैठक बस्दैछ ।

त्यसैले महाधिवेशनका प्रतिनिधिहरूलाई असोज २४ गतेसम्म हस्ताक्षर गरिसक्न आग्रह गरेका हुन् । मंगलबार सामाजिक सञ्जाल फेसबुकमार्फत भिडियो सन्देश जारी गर्दै उनले यस्तो अपिल गरे।  

कतिपयले केन्द्रीय समितिको बैठकपछि हस्ताक्षर गर्नुपर्छ भन्ने पनि माग राखेको उनले बताएका छन् । 

विभिन्न व्यक्तिहरूले फोन अथवा एसएमएसमार्फत केन्द्रीय समितिको बैठकपछि हस्ताक्षर गरे हुन्न र भन्ने गरेको उल्लेख गर्दै सो प्रश्नमा शर्माले जवाफ दिएका छन्, ‘लगनपछिको पोते के काम !’ विशेष महाधिवेशन गर्दा पार्टी थप बलियो हुने उनको विश्वास छ ।