काठमाडौं– नेपाली कांग्रेसका महामन्त्री विश्वप्रकाश शर्माले निर्वाचन आयोगले ल्याएको ‘राजनीतिक दल स्वमूल्याङ्कन कार्यविधि २०८२’को मस्यौदाप्रति विमति जनाएका छन् । 

उनले बिहीबार सामाजिक सञ्जाल एक्स (ट्विटर) पोस्टमार्फत् मस्यौदामा विमति जनाउँदै नमिल्ने विधिलाई आयोगमै टुङ्ग्याउन भनेका छन् । 

व्यक्तिगत धारणा र संस्थागत दृष्टिकोण भन्दै महामन्त्री शर्माले जनताले दलहरूको मूल्यांकन र संविधानले निर्देशन गर्ने प्रस्ट्याएका छन् ।  

‘राजनैतिक दललाई मूल्यांकन जनताले, निर्देशित संविधानले गर्ने हो,’ उनले लेखेका छन्, ‘निर्वाचन आयोगले तयार गरेको ‘राजनीतिक दल स्वमूल्यांकन कार्यविधि, २०८२’ को मस्यौदाप्रति प्रस्ट विमति छ । नमिल्ने विधिको बाटो बहादुर भवनमै टुङ्गियोस् ।’