रौतहट – जिल्ला प्रहरी कार्यालय रौतहटको गस्ती टोलीले भन्सार छलीको कपडा दुईथान मोटरसाइकल सहित एकजना तस्कर लाई पक्राउ गरेको छ।

तस्करीको सामान मोटरसाइकल सहित पक्राउ पर्नेमा ईशनाथ नगरपालिका १ का ३७ वर्षीय राकेश पासवान रहेको रौतहट प्रहरी प्रमुख एसपी नेत्रमणि गिरीले न्यून कारखानालाई बताएका छन्। 

जिल्ला प्रहरीबाट विशेष सूचनाको आधारमा गएको गस्ती टोलीले गौर नगरपालिका ४ लालबकैया नदीको छेउबाट दुईलाख २३ हजारको अवैध कपडा, नम्बर नभएको दुईथान मोटरसाइकल सहित पासवान लाई नियन्त्रणमा लिएको थियो। 

बरामद कपडा, मोटरसाइकलको कुल तीन लाख २३ हजार मूल्यांकन सहित पक्राउ पासवान लाई आवश्यक कारवाहीको लागि सोमवार साँझ जिल्ला भन्सार कार्यालय गौरमा बुझाइएको जिल्ला प्रहरी प्रवक्ता डीएसपी दीपक कुमार रायद्वारा जारी सूचनामा उल्लेख गरिएको छ।

जिल्लामा नयाँ एसपीको रुपमा गिरीले कमान्ड सम्हाले देखी प्रहरीले सक्रियता बढाएको छ।