काठमाडौं– भारतबाट हुने कफी निर्यात ह्वात्तै बढेको छ । यस वर्षको अप्रिलदेखि नोभेम्बर महिनाको अवधिमा भारतले १ अर्ब १४ करोड ६९ लाख डलर बराबरको कफी निर्यात गरेको छ ।

सेन्टर फर मोनिटरिङ इण्डियन इकोनोमीको तथ्यांकअनुसार वर्ष सन् २०२३/२४ मा भारतीय कफी निर्यात १२ प्रतिशतले बढेर १ अर्ब २८ करोड डलर पुगेको छ । सन् २०२२–२३ मा भारतले १ अर्ब २८ करोड डलर बराबरको कफी निर्यात गरेको थियो ।

कफीको मूल्यमा वृद्धि भएसँगै भारतीय निर्यात बढेको जनाइएको छ । अन्तर्राष्ट्रिय बजारमा माग धेरै भएकाले कफीको मूल्यमा पनि वृद्धि भएको हो ।

नकारात्मक मौसमी प्रभाव र भूराजनीतिक चुनौतीका कारण पनि कफीको मूल्य बढेको जनाइएको छ । भारतले खासगरी टर्की, संयुक्त अरब इमिरेट्स, इटाली र रुसजस्ता देशमा कफी निर्यात गर्दै आएको छ ।