काठमाडौं– नेपाल प्रिमियर लिग (एनपीएल)को दोस्रो संस्करणका लागि सुदूरपश्चिम रोयल्सले अष्ट्रेलियन क्रिकेटर क्रिस लिनलाई भित्र्याएको छ । सुदूरपश्चिम रोयल्सले शुक्रबार बिहान क्रिसलाई टिएममा अनुबन्ध गरेको हो । 

यससँगै क्रिस सुदूरपश्चिम रोयल्समा अनुबन्ध हुने पहिलो विदेशी खेलाडी बनेका छन् । सन् २०१४ देखि २०१८ सम्म अष्ट्रेलियाका लागि खेलेका क्रिसले १८ खेलको १६ इनिङमा २९१ रन बनाएको रेकर्ड छ । 

उनले इन्डियन प्रिमियर लिग (आईपीएल), बिग ब्यास लिग जस्ता फ्रेन्चाइज लिगहरूको अनुभव लिइसकेका छन् । एनपीएलको दोस्रो संस्करण आगामी मसिंर १ गतेबाट सुरू हुँदै छ । 

एनपीएलको पहिलो संस्करणको उपाधि जनकपुर बोल्ट्सले उपाधि जित्दा सूदूरपश्चिम रोयल्स उपविजेता भएको थियो ।