काठमाडौं– पछिल्लो १० घण्टामा क्रिप्टोकरेन्सी बिट्क्वाइनको मूल्य झण्डै २ हजार डलरले घटेको छ । युनिभर्सल समयअनुसार राति १२ बजे १ लाख ६ हजार ५५७ अमेरिकी डलरमा कारोबार भएको बिटक्वाइनको मूल्य १० घण्टामा ओरालो लागेर १ लाख ३ हजार ७१२ अमेरिकी डलरमा कारोबार भएको छ ।

पछिल्लो २ दिन यता बिटक्वाइनको मूल्य निरन्तर ओरालो लागिरहेको छ । नोभेम्बर २ मा १ लाख ११ हजार ९३३ अमेरिकी डलरसम्म बिटक्वाइनको कारोबार भएको थियो ।

बिटक्वाइनको मात्रै नभएर पछिल्लो केही दिनयता अधिकांश क्रिप्टोकरेन्सीको मूल्यमा गिरावट आएको छ । पछिल्लो २४ घण्टामा इथर, स्टेबल क्वाइन टिथर, एक्सआरपी, बिएनबी, सोल लगायत अधिकांश क्रिप्टोकरेन्सीको मूल्यमा भारी गिरावट सहित कारोबार भइरहेको छ ।